Wie klingt weihnachtsgeschichte sächsisch

Einige wenige Sätze reichen bereits aus, es ist kein großer Antworttext notwendig!. xD Hier als Beispiel die Pfälzer Version: Die Weihnachtsg'schicht uff pälzisch "Sellemols - wie de Auguscht in Rom Kaiser war un en gewisse Cyrius war Schtatthalter in Syrie un enner namens Herodes war de Könich vun Judäa, do hott emol de Kaiser a'geordent, daß sei ganz Volk gezält werre soll - un daß jeder dorthie soll wu er uff die Welt kumme is for sich uffschreiwe zu losse. Schließlich hott ach domols schunn en Kaiser wisse welle, was so an Schteire eizutreiwe wär. Also is jetzt jeder dort anne wu er her war un hott sich eitrache losse. In Nazareth in Galiläa hott en Zimmermann gelebt namens Josepp mit seinere Braut Maria. Die war in annere Umständ awwer net vun ihm, sondern vum heilige Geist, was awwer in dem Fall g'stimmt hott. Die zwee henn ehr Bündel genumme un sinn nüwwer uff Judäa - noch Bethlehem - wu de Sepp her war. Des Bethlehem war bekannt durch de David un aus dem seiner Sippschaft hott de Joseph ach herg'schtammt. Folglich hott er sich dort eintrache losse müsse. Die zwee sinn in schtockdunkler Macht a'kumme un henn ach net viel druff g'hatt, dessdewege hott dann ach jeder Herbergsvater hortich abgewunke, wann se g'frogt henn ob se üwwer Nacht e Zimmer Kriehje könnte. Dann is noch dezugekomme, daß die Maria ehr erschte Wehe krieht hott un dasses ziemlich kalt war. Die zwee henn dann in ehrer Not draus im Feld Unnerschlupp g'funne - imme alde Schoofschtall. De Joseph hott hortich e bissel was aus Heu und Schtroh zurechtgemacht un die Maria hott e herziges liewes Büwel uff die Welt gebrocht. Sie hott's in mitgebrochte Winnle gewickelt un em de Name Jesus gewwe - wie se's vumme Engel uffgetrache krieht g'hatt hott. Hinne aus dem Schtall is en Ochs un en Esel kumme un henn des Bobbel betracht un dobei mit ehrm Odem warm g'halte. Un de Sepp un die Maria waren ganz glücklich, daß alles so glatt abgange is. " Und die Quelle dazu: Jörgs Homepage - Rheinland-Pfalz